Një grabitje me armë ka ndodhur në orët e para të mëngjesit të sotëm në Qytetin e Ri në Bulqizë. Sipas të dhënave pre e grabitësve ka rënë banesa e familjes Mira. Menjëherë pas ngjarjes Policia e Bulqizës kanë shoqëruar 9 persona dhe kanë shpallur në kërkim një nga autorët e dyshuar të ngjarjes.
Një grup i posaçëm hetimor nga Drejtoria Vendore e Policisë Dibër me në krye drejtorin e policisë Etmond Tarkaj po kryen veprimet për zbardhjen e ngjarjes. Kryefamiljari Ahmet Mira, 50 vjeç ka rrëfyer ngjarjen për policinë. Ai ka thënë se tre persona të maskuar kanë grabitur dhe i kanë dhunuar bashkë me gruan 37 vjeçe.
Policia ka konstatuar nga veprimet e para hetimore se tre persona të maskuar që dyshohet se posedonin dhe armë zjarri, i kanë futur në banesë, kanë kontrolluar për sende me vlerë, dhe më pas janë larguar duke marrë automjetin tip “Benz” në pronësi të shtetasit A.M.
Mbi bazën e informacioneve të marra në rrugë operative shërbimet e Policisë kanë shoqëruar si të dyshuar për ngjarjen 8 shtetas, si dhe është shpallur në kërkim një shtetas tjetër, si një ndër autorët e dyshuar të kësaj ngjarje ku për arsye hetimi nuk bëjmë me dije të dhëna të tjera.
Po në vijim të punës për zbardhjen e kësaj ngjarje shërbimet e policisë kanë bërë të mundur gjetjen e automjetit, të braktisur. Vijojnë hetimet për zbardhjen dhe dokumentimin e plotë të ngjarjes.
ma.me
