E ardhmja e Gianluigi Buffon po projektohet çdo ditë e më shumë drejt Paris Saint Germain.
Sipas mediave italiane, ish-portieri i Juventusit dhe përfaqësueses italiane do të zyrtarizohet këtë mesjavë si futbollisti i kampionëve të Francës.
Gjithnjë sipas saj, Buffoni tashmë 40-vjeçar do të firmosë me Parisin një kontratë deri në vitin 2020, për të cilën pritet vetëm përcaktimi i detajeve të fundit.
Por, kjo lëvizje është e lidhur edhe me vendimin e UEFA-s për ndëshkimin e Buffonit mbi deklaratat e forta që ai bëri në drejtim të Michael Oliver, pas përfundimit të ndeshjes mes Realit të Madridit dhe Juventusit, që solli edhe eliminimin e bardhezinjve.
Buffon gjithsesi është optimist dhe për këtë arsye ai nuk e sheh si një problem arritjen e akordit me Parisin, që mund të ketë në përbërje edhe një klauzolë për çështjen në fjalë./a.m.
