“I pashpirtë, në vend të zemrës ke një kosh plehrash”. Me këto fjalë iu drejtua Gianluiggi Buffon gjyqtarit Oliver në fund të ndeshjes së dytë çerekfinale të “Champions League” kundër Real Madrid.
Kjo bëri që UEFA të niste një hetim për portierin i cili sot, pas 2 muajsh, është njohur me masën. Institucioni europian i futbollit, duke u bazuar tek ajo se çfarë portieri i ka thënë gjyqtarit si dhe reagimin e ashpër, e ka dënuar 40-vjeçarin me 3 ndeshje përjashtim nga ky kompeticion.
Mediat ndërkombëtare ditë më parë kanë raportuar se Buffon ka arritur marrëveshjen me Paris SG për t’u transferuar te francezët, por zyrtarimi kishte mbetur peng si pasojë e vendimit pasi nuk përjashtohej mundësi që Buffon të dënohej ashpër.
Tani rrugët janë të hapura për të dy palët. Mbetet të shihet nëse 40-vjeçari i cili i dha fund aventurës te Juventusi pas 17 sezonesh do të transferohet apo jo te Parisi.
a.ç
