DURRES – Një i ri në Durrës është shpallur në kërkim nga policia pasi ka tentuar të vrasë një 28-vjeçar.
Nga burimet zyrtare bëhet me dije se, më datë 04.06.2018, në lagjen nr.6 të qytetit, shtetasi E.B, vjeç 25, banues në Durrës, ka tentuar të vrasë me armë zjarri, pistoletë, shtetasin S.N. 28 vjeç.
Mësohet se 25-vjeçari ka qëlluar në drejtim të automjetit tip BMW me drejtues shtetasin
S.N., ndërsa policia e Durrësit nuk jep më shumë detaje rreth shkakut të ngjarjes.
Ndaj të riut të shpallur në kërkim rëndojnë tre vepra penale, “Vrasje me dashje”, “Kuptim i tentativës”, dhe “Prodhimi dhe mbajtja pa leje e armëve luftarake dhe e municionit”.
Materialet u referuan në Prokurorinë Pranë Gjykatës së Shkallës së Parë Durrës, sipas neneve 76, 22 dhe 278 të Kodit Penal.
a.ç
