Banka e Shqipërisë bën të ditur se, kredia e re po financon sektorë të ndryshëm të ekonomisë nga ato që janë financuar tradicionalisht.
Sipas statistikave në muajin maj grupi i hoteleve dhe restoranteve për herë të parë të paktën që nga janari i vitit 2015 arrin në një nivel kreditimi prej 1.5 miliardë lekë. Industria nxjerrëse e cila në fakt po vuan pasojat e çmimit të naftës apo edhe mineraleve është kredituar minimalisht gjatë pesë muajve të vitit 2016 me vetëm 9.7 milionë lekë në maj.
Gjatë vitit 2015 muaji më i mirë i kredisë së re për këtë sektor ishte korriku me 1 miliardë lekë dhe para tij janari me mbi 800 milionë lekë. Janar-maj 2016 muaji me financimin më të mirë të industrisë nxjerrëse është prilli me 310 milionë.
Të dhënat zyrtare tregojnë se në muajin prill grupi i prodhimit shpërndsrjes së energjisë gazit dhe ujit përfitoi pjesën e luanit në kredinë e dhënë nga banakt duke marrë plot 5.9 miliardë lekë. Kjo është shifra më e mirë të paktën nga janari 2015.
Një vit më parë ky sektor muajin më të mirë të kreditimit ka pasur korrikun me 2.7 miliardë lekë. Ndërtimi ka mbetur një sektor stabël i kredituar pak a shumë njëlloj si në vitit 2015 ashtu edhe në pesë muajt e vitit 2016.
Në maj 2016 të dhënat tregojnë se ky sektor u kreditua me 1.6 miliardë lekë. Tregtia, riparimi i automjeteve dhe artikujve shtëpiake duket se ka qenë po ashtu në nivele të qëndrueshme financimi në pesë muajt e vitit 2016 ku vetëm në maj janë 9.7 miliardë lekë kredi e re e dhënë për këtë sektor, bene te ditur BSH-ja./a.m.
