Banka e Shqipërisë konfirmoi shifrat e publikuara nga INSTAT në lidhje me rritjen ekonomike në tremujorin e dytë të këtij viti.
Guvernatori Gent Sejko tha në një konferencë për shtyp se ekonomia në periudhën prill-qershor të këtij viti kërceu në 4.06 përqind.
Sejko tha se inflacioni vjetor është ngadalësuar në 2.1 përqind, ndërsa papunësia përllogaritet në 13.2 përqind.
Banka e Shqipërisë vëren gjithashtu edhe një ulje të kredive me probleme në të gjitha bankat e nivelit të dytë, ndërsa për muajin gusht, Guvernatori Sejko deklaroi se balanca buxhetori pësoi sufiçit.
Gjithsesi, sipas Guvernatorit, ekonomia shqiptare është ende shumë larg potencialit të vërtetë të saj.
“Ekonomia shqiptare është ende larg potencialit të vërtetë të saj, por hendeku po ngushtohet”, deklaroi ai
Guvernatori i Shqipërisë, Gent Sejko ka komentuar shqetësimin e ngritur nga FMN për koncesionet. Sejko e cilësoi si normal rekomandimin e FMN, ndërsa sipas tij, aplikimi i koncesioneve në rast se do të bëhej në mënyrë të strukturuar, do të rezultonin të suksesshëm dhe do të ndikonin në rritjen ekonomike të vendit.
Guvernatori deklaroi se koncesionet duhet të bëhen sipas standardeve evropiane dhe në mënyrë transparente. “Rekomandimi është normal dhe standard, Shqipëria është një vend me nevoja të mëdha për investime dhe resurse të kufizuara.
Aplikimi i koncesioneve në rast se do të bëhej në mënyrë të strukturuar që do të rezultonin të suksesshëm do të ndikonin në rritjen ekonomike të vendit. Edhe FMN është shprehur se nuk ka asgjë kundër PPP, por duhet të jenë të studiuara, me rentabilitet dhe të suksesshme, pasi edhe impakti fiskal do të ishte brenda parashikimeve.
Projektet duhet të bëhen në mënyrë transparente dhe sipas standardeve evropiane. Është një projekt i madh i parashikuar për 4 vite dhe duhet të laborohet. Do të gjykojmë ecurinë. Projektet publik -privat është një mundësi për të ndarë riskun, por sipas kritereve. Pra këto projekte parashikojnë rezultojnë me potencial të madh, por duhen sipas standardeve” deklaroi ai.
a.ç
