Një pako e dyshimtë është gjetur mëngjesin e sotëm në një stacion metroje të Brukselit. Mësohet se forcat e sigurisë kanë evakuuar qytetarët në Simonis ndërsa ka ngritur perimetrin e sigurisë. Policia njofton se të gjitha linjat e trenave dhe metrove janë pezulluar.
Ndërkohë, në qytetin belg Grand, një person ka hapur zjarr në qendër para se të qëllohej dhe të vritej nga policia. Autori nuk është identifikuar ende ndërsa ngjarja ka ndodhur mbrëmjen e djeshme.
Disa dëshmitarë, të cituar nga mediat, kanë thënë se personi fillimisht ka kërcënuar disa të pranishëm dhe më pas ka refuzuar t’u dorëzojë pistoletën agjentëve të policisë.
Në mars të këtij viti Belgjika u trondit nga disa sulme terroriste në aeroportin Zaventem dhe stacionin e metrosë Molenbeek ku si pasojë humbën jetën 35 persona. (java / r.a)
