Bashkimi Europian ka reaguar mjaft ashpër ndaj deklaratave të ish kryeministrit Sali Berisha, i cili etiketoi ambhasadoren e BE-së në Tiranë Vlahutin dhe misionin EURALIU-s si mafiozë dhe të korruptuar, pasi, sipas Berishës, me qëllim kanë përkthyer gabim dokumentin e dërguar në Venecia për Vetting-un. Por si rrallëherë BE ka reaguar mjaft ashpër duke i cilësuar këto deklarata si “përhapje publike të akuzave të rreme”, të cilat kanë si qëllim vetëm “të vonojnë zbatimin e Reformës së Drejtësisë, përfshirë rivlerësimin e gjyqtarëve dhe prokurorëve”. Maja Kocijançiç, Zëdhënëse për Politikën e Jashtme dhe Sigurinë e BE-së dhe për Politikën e Fqinjësisë dhe Negociatave të Zgjerimit u shpreh se “transmetimi i përkthimeve zyrtare të çdo dokumenti është përgjegjësi vetëm e atyre institucioneve shqiptare që i paraqesin ato para Komisionit të Venecias”.
“BE dënon përhapjen publike të akuzave të rreme që pretendonin se EURALIUS dhe Delegacioni i BE-së janë përfshirë në gabime që supozohen të qëllimshme në përkthimin anglisht të legjislacionit shqiptar që i është dërguar për shqyrtim Komisionit të Venecias.
Shqiptarët mbështesin në shumicë dërrmuese reformën tërësore të drejtësisë që përfshin procesin e rivlerësimit (vetingun). Veprimet apo deklaratat, të cilat në mënyrë artificiale synojnë të krijojnë konfuzion, duket se kanë të vetmin qëllim që të mundohen të vonojnë zbatimin e reformës së drejtësisë, përfshirë rivlerësimin e gjyqtarëve dhe prokurorëve. BE-ja është e vendosur të vazhdojë të sigurojë gjithë asistencën e nevojshme që qytetarët e Shqipërisë të kenë qasje në një sistem drejtësie të besueshëm dhe të përgjegjshëm”, thuehet në deklaratën e zëdhënëses së Brukselit.
Prej shumë muajsh PD zyrtare është përfshirë në përplasje të ashpra me BE dhe SHBA, duke u evidentuar në këtë mënyrë si forca politike më antiperëndimore në Shqipëri, por tashmë edhe në rajon. Në krye të këtyre sulmeve është pozicionuar ish- kryeministri Berisha, i cili ka futur në këtë vorbull si kreun aktual të PD-së Lulzim Basha ashtu edhe grupin parlamentar demokrat, si dhe një pjesë të anëtarësisë, të cilët e shohin Perëndimin si armik të PD-së. E gjithë kjo frymë antiperëndimore shpërtheu sapo filloi procesi i Reformës në Drejtësi dhe kur Berisha kuptoi se kjo Reformë shemb sistemin e kriminalizuar të drejtësis që ai ka ndërtuar ndër vite dhe që e ka mbrojtur deri tani nga një mori shkeljesh flagrante të ligjit. Kjo ka bërë që PD, tashmë, në përpjekje për të mbajtur në këmbë sistemin e kriminalizuar të drejtësisë i është kundërvënë hapur BE dhe SHBA, duke na dhënë profilin real të saj si forca politike më e madhe antiperëndimore në vend. Reforma në Drejtësi hoqi edhe atë pak makiazh perëndimorë që me dhimbje PD kishte vënë si maskë prej disa kohësh.
Me . Ar
