Sabit Brokaj e ka cilësuar si skandaloz dekorimin e ish-kryeministrit Sali Berisha nga ana e Presidentit Bujar Nishani.
“Nuk ka gjë më skandaloze se të dekorosh Sali Berishën e për më tepër me gjithë ato vlerësime që bëri Presidenti i vendit, Bujar Nishani.
Si mundet të dekorosh autorin e vitit 1997? Si mundet të dekorosh vrasësin e ngjarjes së 21 Janarit që mbajti vrasësit e Gardës së Republikës tri javë dhe nuk ia dorëzonte Prokurorisë? Si mund të dekorosh një person që realisht bëri akt tradhti më shumë se Ahmet Zogu, ku mbi 300 kilometër katrorë e mori e ia dha Greqisë? E nuk e di se sa mund t’i numërojmë këtij njeriu, e tani gjithë politika rri e merret vetëm me Shyqyri Çokun.
Këtu dekorohet Saliu, një kryekriminel që për 25 vite njollosi vendin, e kriminalizoi atë dhe politikanët merren me Çokun. Duke i vendosur në këto raporte, ngjarjet persona, duke i larguar principit të kohës, më duket tallja më e madhe që u bëhet të përndjekurve, me ata që kanë vuajtur dhe të nesërmes”, thotë Brokaj për Shqip.
Aktualisht janë disa nisma që janë depozituar në Kuvend në lidhje me rishikimin e dhënies së medaljeve të dhëna për ish të persekutuarit ose dhe persona të kategorive të tjera të regjimit komunist, për ish-ministrin e Mbrojtjes, Brokaj, përveçse janë qesharake, nuk bëjnë gjë tjetër veçse tregojnë varfërinë e politikanëve për t’u marrë me diçka më konkrete për vendin dhe jo të pozicionohen si anti “Çokut”.
Ai nuk do të pranonte asnjë dekoratë nëse do t’i jepej nga Presidenti, pasi nuk do të kishte asnjë vlerë asgjë e dhënë nga kjo klasë politike e paformuar.
Tema
