Qeveria britanike ka bërë të qartë se qëndrimi i saj mbi mundësinë e bashkimit të Irlandës mbetet i pandryshuar, pas deklaratave të presidentit amerikan Donald Trump nga Dublini.
Një zëdhënës i zyrës së kryeministrit Andy Burnham iu referua deklaratave që ai kishte bërë në Parlament të mërkurën, sipas të cilave aktualisht nuk ka mbështetje nga shumica për një referendum të ri në Irlandën e Veriut.
“Nuk jam në dijeni të ndonjë mbështetjeje publike nga shumica për një referendum tjetër dhe, derisa kjo të ndryshojë, nuk do të ketë”, tha ai.
Ky reagim erdhi pasi Trump tha se do të do të donte ta shihte Irlandën të bashkuar me Irlandën e Veriut të administruar nga Britania dhe se kjo mund të ndodhë.
“Epo, nuk dua të shkaktoj probleme, por do t’ju them se do të doja ta shihja të bashkuar”, u tha Trump gazetarëve pas një takimi me kryeministrin irlandez Michael Martin në Dublin.
“Siç e shoh unë, do të ndodhë përfundimisht… Mendoj se do të jetë një zhvillim fantastik. Tani Mbretëria e Bashkuar do të ketë diçka për të thënë në lidhje me këtë… por mendoj se do të ishte një gjë e shkëlqyer”, shtoi ai.
