Policia anti-terror e Breshias në Itali ka arrestuar në orët e para të mëngjesit të sotëm shtetasin kosovar Gafurr Dibrani, 24 vjeç, me akuzën e terrorizmit ndërkombëtar e përhapjen e propagandës xhihadiste.
Gafurr Dibrani, i lindur në Prishtinë në vitin 1992 dhe rezident në komunën Fiesse në provincën e Breshias, akuzohet dhe për nisjen e një procesi radikalizmi islamik ndaj djalit të tij të vogel.
Raportohet se ai kishte publikuar një video së fundmi në tesktin e të cilës thuhej “Merre dorën time dhe shkojmë në xhihad”.
Hetimet kanë vërtetuar se 24 vjeçari kosovar me anë të rrjetit të internetit ka publikuar shpesh herë materiale me përmbajtje xhihadiste.
Në to tregohen foto dhe video që manifestojnë solidaritet ndaj terroristëve të njohur e të burgosur, video minorenësh që përgatiten të luftojnë për Shtetin Islamik.
BW/d.i.
