Një ngjarje e rëndë ka tronditur qytetin e Krujës, ndërsa të shtëna automatiku janë dëgjuar orët e para të mëngjesit.
Mësohet se banesa e shtetasit P.K, 53 vjeç është qëlluar nga një breshëri plumbash ndërkohë që policia ka vënë në pranga Sabah Bramën. Sipas informacioneve të para, në kërkim është shpallur edhe djali 19-vjeçar i Bramës.
Policia thotë se në vendngjarje u gjetën 9 gëzhoja ndërsa shkaqet e ngjarjes së rëndë nuk janë zbardhur ende. Ndërkohë, nga kontrolli i ushtruar në banesën e autorit bëhet e ditur se janë gjetur edhe 2 kilogramë kanabis. /r.a
