Një ngjarje e rëndë ka ndodhur rreth gjysmë ore pas mesnate në fshatin Shkallë, Manëz të Durrësit.
Persona ende të paidentifikuar nga Policia, kanë qëlluar me breshëri arme në drejtim të banesës së një 39-vjeçari me inicialet E.T.
Fatmirësisht nga të shtënat nuk pati të lënduar në njerëz por vetëm dëme materiale.
E njoftuar për ngjarjen policia nisi hetimet dhe gjeti rreth banesës 18 gëzhoja.
Policia e Durrësit thotë se grupi hetimor po punon për identifikimin e autorëve dhe zbardhjen e ngjarjes./a.m.
