Një rrjet sekret tunelesh të ndërtuara nga ISIS janë zbuluar poshtë një qyteti në Irak. Rreth 40 rrugë nëntokësore u gjendën në qytetin e Sinjarit, të plotësuara me elektricitet, thesa rëre mjete për të bërë bomba, materiale mjekësore dhe sigurisht kopje të kuranit.
Tuneli u gjet nga disa forca kurde që liruan nga zgjedha e xhihadistëve qytetin në veri perëndim të Irakut këtë muaj, pas më shumë se një viti nën dorën e ISIS.
Dy tunele shkonin në një gjatësi prej qindra metrash, duke nisur dhe përfunduar nëpër shtëpi të ndryshme të qytetit.
