Në 29 Prill 2018, Fation Fejzillari humbi kontaktet me familjarët, ndërsa ai që e ka parë për herë të fundit ishte shoku i tij Aleksandër Fadili. Të dy punonin si tregtarë të perdeve në qytete të ndryshme të Shqipërisë.
Sot, 4 vite pas zhdukjes së tij, Aleksandër Fadili është dënuar nga gjykata për vrasjen e Fejzillarit, pasi në makinën me të cilën dy të rinjtë udhëtonin, u gjetën gjurmë gjaku të Fationit.
Por trupi i këtij të fundit nuk është gjetur ende. Automjeti tip Volkswagen ku u gjetën gjurmët e gjakut u është kthyer tashmë familjarëve të Fation Fejzillarit.
Emisioni Uniko nga Spartak Koka në Klan Plus ka parë nga afër automjetin brenda së cilit dyshohet se u vra Fation Fejzillari, pasi në të janë gjetur gjurmët e gjakut të tij.
Daja i viktimës ka shpjeguar për gazetarin Spartak Koka se në cilin vend të makinës, hetuesit gjetën gjurmët e gjakut.
“Gjaku është gjetur në sediljen e pasme. Është gjetur gjaku në sediljen e përparme, edhe tek çelësi i kuadrit. Këtu duket shumë mirë që është marrë provë materiale. Është gjetur gjaku te kuadri i makinës, është gjetur gjak te pasqyra, është gjetur gjak edhe te një kukull e vogël që ka qenë këtu. Ka dhe shenja që janë marrë ADN. Këto shenja nuk kanë qenë në makinë, janë të ADN-së, mos të gënjej nuk e di mirë. Është marrë ekspertizë gjithandej”, tha Gentian Kanani.
/a.r
