Ish-ministrja Majlinda Bregu ka nënshkruar sot kontratën për detyrën e Sekretares së Përgjithshme në Këshillin Rajonal për Bashkëpunim.
Lajmin e konfirmon vetë Bregu teksa poston foton me ministrin e Jashtëm të Bosnje Hercegovinës, në kuadër të presidencës së radhës së SEECP.
“Kohë sfidash pa dyshim, por që me mbështetjen e vendeve të BE, ato të Ballkanit Perëndimor si dhe në stafin e përkushtuar të RCC, s’ka asnje shans që të mos ecim para.
Faleminderit Goran Svilanović për RCC që pashë sot dhe që do ta drejtoj prej Janarit të ardhshëm. Nevoja për Europën është e fortë ndaj dhe duhet vëmendje më e madhe në rajon për të mos lënduar e cënuar pritshmëritë e askujt” – shkruan ish-ministrja Bregu në rrjetet sociale.
