Ish-kryeministri Sali Berisha ka dhënë porosi që i riu që e qëlloi me grusht para protestës të mos goditet nga turma por të dorëzohet në polici.
Kështu ka deklaruar mbrëmjen e sotme në Euronews Albania, ish-zv/drejtori i Policisë së Tiranës Erzen Breçani. Ai tha se ka ndërhyrë duke e marrë të riun Gert Shehu nga turma për ta nxjerrë në trotuar pasi mbështetësit e Berishës ishin shumë të irrituar dhe nuk do të ndalonin goditjet në drejtim të tij.
“Unë isha diku 10 ose 15 metra larg doktorit. Isha me dy ish oficerë të policisë. Marrin pjesë në çdo protestë. E dëgjova që u godit doktorin. Vrapoj dal nga mbrapa dhe e shoh që ishte në këmbë. E shoh që po e godisnin këtë personin. Ai ishte në tokë. Gjej momentin t’i falenderoj që m’u bindën. Ndaluan përdorimin e forcës dhe ma besuan mua. Unë e mora dhe e kalova në trotuar.
Nuk doja ta fusja prapë në turmë sepse ishin shumë të irrituar. Vetë doktori dhe Ilir Meta kanë kërkuar që të mos goditet. Unë kam punuar në policinë e shtetit 21 vite. Nuk i largohem. Sali Berisha kur e kemi nxjerrë nga turma. Bodyguardi duhet ta dorëzojmë në polici dhe të mos lejojmë që ta godasin. Është porosi e doktorit”, ka deklaruar ai.
/e.d
