Bravo çuna!

Autorët e tre vrasjeve të fundit në Tiranë janë zbuluar  në kohë rekord.

E para ishte ajo e biznesmenit Memli Begalla e ndodhur në 14 shkurt 2018 në zonën e ish-Bllokut.

E dyta ishte vrasja e të riut Mario Majollari në 10 prill për hakmarrje.

Dhe e treta ndodhi në zonën e Kamzës më 25 prill, ku Agim Buçi u qëllua për vdekje nga persona që tentuan ta grabisnin.

Ajo që bie në sy është fakti se autorët janë zbuluar në të tre rastet në kohë rekord.

Në rastin e parë policisë iu deshën vetëm pak ditë që të vinte në pranga dy autorët të cilët qëlluan ndaj Begallës për moskthimin e borxheve.

Në rastin e dytë u deshën vetëm disa orë që uniformat blu të Tiranës të publikojnë emrin dhe foton e autorit të dyshuar, i cili ishte Kastriot Gjuzi.

Ai u arrestua në Kosovë falë një bashkëpunimi të shpejtë mes dy policive.

Ditën e sotme policia arrestoi edhe autorët e ngjarjes së Kamzës, pjesë e Qarkut Tiranë, të cilët qëlluan ndaj dy bashkëshortëve, ku burri humbi jetën.

Nëse ka raste që policia meriton përgëzime, ekipi policor i Tiranës i meriton plotësisht./Tema/