Deputeti i PS Erion Braçe ka reaguar lidhur me protestën e djeshme të mbajtur në Shkodër. Në një postim në Facebook, Braçe sulmon Berishën dhe Bashën duke thënë se protesta ishte organizuar nga ata pavarësish se u përpoqën ta shisnin si protestë qytetare.
“Shkruajta dje për protestën e PD-së “pa politikanë”, por të mbështetur nga Sali Berisha, Lulzim Basha e gjithë arafha e tyre. E quajtën revolucion!! E treguan si reagim ndaj mashtrimit tonë me: “Taksa falas”. Jo për shkak se ne nuk i kemi premtuar kurrë kujt “Taksa Falas”; jo për shkak të katandisë që dëshmon injorancë e populizëm, që reflekton PD; Po për shkak të mijëra shqiptarëve të ndershëm që paguajnë fatura, detyrime, tatime e taksa prej vitesh në shumicën e Shqipërisë; Ky revolucion për taksa në Shkodër duhet të marrë fund!! Nëse familja e pasur Berisha, familja pa Nipt, mendon se mund të bëj funksionale Bashkinë e Shkodrës me Taksa Falas, e realizoftë këtë me paratë e tij, jo me paratë e shqiptarëve të ndershëm që paguajnë fatura e taime siç ka bërë në 20 vjet. Boll paguan shqiptarët për Berishizmin fiskal!”, shkruan Erion Braçe.
