Deputeti i PS, Erion Braçe, bëri të ditur pak munita më parë se do të depozitoj një padi penale në adresë të deputetit të PD, Flamur Noka, me akuzën për dhunë për shkak të detyrës. Sipas tij, kjo është e gjitha një strategji e qartë dhune nga një parti që ka instaluar dhunën për 26 vite me rradhë.
“Kjo parti ka rrahur qytetarë rrugëve vetëm se i thonë të vërtetën Bashës. U kam treguar me letra krimet që kanë bërë në këtë vend. Kjo që ndodhi në Kuvend nuk është asgjë në krahasim me atë që bën me 21 janar ku Sali Berisha pushkatoi në mes të bulevardit qytetarët vetëm pse mendojnë ndryshe nga ai. Pas 20 vitesh vjen një moment dhe thua boll për gjithë llumin e tyre. Kjo histori dhune për shkak të mendimit ndryshe duhet të marrë fund. Në këtë vend s’ka sistem drejtësie sepse nëse ka nuk mund të bëjë këto që bën ky soj kriminelësh. Noka se ka për herë të parë. Ka goditur disa deputetë. Por këtë rradhë që nesër do përballet me padinë penale për dhunë për shkak të detyrës”, deklaroi Braçe.
javanews.al /ma.me
