Bulevardi i Ri, rehabilitimi i Lumit të Tiranës dhe ndërtimi i Terminalit Multimodal janë fryt i vizionit të zhvillimit të Tiranës gjate administratës “Basha”, deklaroi sot ish- nën/kryetari i Bashkisë, Enno Bozdo, në një deklaratë për mediat.
Bozdo në vijim u shpreh se “Me gjithë përpjekjet e kryeministrit Rama për t’i bllokuar e zvarritur, e ardhmja europiane e Tiranës kalon nga zbatimi i këtyre projekteve te konceptuara dhe financuara nën drejtimin e bashkisë nga Lulzim Basha, sepse kjo është rrruga për t’i kthyer kryeqytetit një zhvillim të qëndrueshëm larg modelit korruptiv dhe shpunësues që po ofron sot Erion Veliaj”.
Bulevardi i Ri ishte vizion i Lulzim Bashës, tha Bozdo, duke vijuar se “Punimet për Bulevardin e Ri të Tiranës nisën në shtator të vitit 2013 pas përfundimit të projektit nga studioja prestigjioze ndërkombëtare “Grimshaë Architects” dhe sigurimit të fondit të investimit nga Fondi për Zhvillim i Abu – Dhabit. Veliaj duhej fillimisht t’i kërkojnë ndjesë qytetarëve të Tiranës për bllokimin me dy vjet të këtij projekti dhe mijëra vendeve të punës të lidhura me të”. (java / r.a)
