Ora 7 e mëngjesit të sotëm ka shënuar pikën e kthesës për Britaninë e Madhe. Vendi ishullor ka nisur vaksinimin e grupmoshës së rrezikuar nga koronavirusit në 50 spitale në të gjithë vendin me prodhimin e “Pfizer”.
Personi i parë që është vaksinuar kundër Covid është një 90 vjeçare në Mbretërinë e Bashkuar
90-vjeçarja Margaret Keenan nga Enniskillen në Irlandën e Veriut është bërë personi i parë në botë që ka marrë vaksinën Pfizer / BioNTech kundër Covid-19.
Ajo u injektua me vaksinën në Spitalin Universitar në Coventry në orën 06:30. 90 vjeçarja ka jetuar për 60 vite në Coventry dhe ka punuar në një dyqan argjendarie deri në moshën 86 vjeç.
Keenan tha: “Unë ndihem kaq e privilegjuar që jam personi i parë i që jam vaksinuar kundër Covid-19, është dhurata më e mirë për ditëlindjen time.
Programi i vaksinimit synon të mbrojë personat më të prekur dhe të kthejë jetën në normalitet.
Stafi i Shërbimit të Urgjencës ka punuar gjatë gjithë kohës për të menaxhuar sfidën e madhe logjistike të mbajtjes së vaksinës Pfizer. Ndërkohë që deri më tani në 50 spitalet ku do të bëhet vaksina janë dorëzuar rreth 800,000 doza, sasi që mjafton mjafton për 400,000 njerëz.
Pjesë e vaksinimit masiv të të moshuarve do të jetë dhe Mbretëresha Elizabeth dhe bashkëshorti i saj, Princi Charles.
g.kosovari
