Numri i të infektuarve nga Covid-19 në gjithë botën ka shkuar në mbi 9,1 milionë, përkatësisht 9,192,751 sipas Worldometers.
Ndërkohë numri i viktimave ka arritur në 474,445.
Numri më i madh i vdekjeve është regjistruar në SHBA, me 122,610 viktima, ndërsa pas saj radhiten Brazili me 51,407, Britania e Madhe me 42,647, Italia me 34,657, Franca me 29,633 dhe Spanja me 28,324.
Ndërkaq, në Kinë, vendin e origjinës së virusit, numri total i vdekjeve është 4,634.
Pas shfaqjes në Wuhan të Kinës në dhjetor të vitit të kaluar, pandemia Covid-19 është përhapur në gjithë botën. Deri më tani 4,939,422 të infektuar e kanë mposhtur sëmundjen, kurse aktualisht ka mbi 3,7 milionë raste aktive që presin të shërohen.
Brazili ka zgjatur mbylljen e kufijve me 15 ditë të tjera, për shkak të pandemisë së koronavirusit, pasi në vend janë konfirmuar 51.407 viktima dhe 1.111.348, duke u renditur shteti i dytë me më shumë raste pas SHBA-ve.
Me vendimin e marrë së fundmi, nuk lejohet hyrja e shtetasve të huaj me përjashtim të brazilianëve dhe shtetasve të huaj me banim në Brazil, diplomatët dhe transportit të mallrave.
Kjo masë vjen pasi në Brazil gjatë javës që lamë pas u shënuan 7.285 viktima.
Rusia renditet në vendin e tretë me rreth gjysmë milioni njerëz të prekur dhe 8196 viktima.
Pas saj ndodhet India me më shumë se 440 të identifikuar të infektuar me Covid dhe 14 mijë vdekje.
g.kosovari
