Deputeti i Partisë Socialiste për zonën e Divjakës në qarkun Fier Erjon Braçe, ka sulmuar publikisht deputetin Koço Kokëdhima, të cilin e quan “bosi i madh i Jugut, me shtëpi në Fier”.
Reagimi i Braçes vjen pas shirave të rrëmbyeshëm të një dite më parë në zonën e tij elektorale, dhe mënyrën se si u përballua situata nga hidrovoret.
Gjithçka sipas tij u menaxhua mirë por diçka e papëlqyeshme ka ndodhur.
“Po çfarë të shihja sot në mëngjes;
Kanalet në atë që quhet Dega e Krutjes ishin sërish plot me ujë.
E dini pse?
Sepse bosi i Madh i Bordit të Jugut, që e ka shtëpinë në Fier, kishte urdhëruar dje të vadisë Lushnja, tamam kjo degë, duke lëshuar ujë nga rezervuari I Thanës.
Vaditje në shi, madje në rrebesh, madje madje në disa zona edhe nën breshër!!
Ja keta jane!!
Ka edhe më;
Për shkak se vaditja po transferohet ende si funksion i pushtetit vendor, për shkak se drejtoria e ketij Bosit te madh të Jugut, nuk ka mbaruar ende ca tendera, portat që shërbejnë për të menaxhuar vaditjen, nuk janë ende funksionale.
Do te thote qe; uji që lëshuan dje me urdhër nga rezervuari i Thanës, shkoi nëpër kanale kulluese, e nuk shërbeu kund për vaditje.
Ndërkohe shiu, i mbushi dje kanalet plot aq sa ne ndezëm hidrovorët për të tërhequr ujrat nga kanalet!!
Tani me thone se; “vaditja me kanale e ujë rezervuari, posaçërisht kur bie ujë nga qielli, qenka shpikja e menaxherit të Bujqësisë së Lushnjës”
Ja këta janë, e këtë dinë të bëjnë!!”, shkruan Braçe.
