Marinko Umiçeviç është drejtues i një fabrike këpucësh në Bosnjë-Hercegovinë. Ai është bërë i njohur pasi ka prodhuar këpucë edhe për zonjën e parë të ardhshme të Shteteve të Bashkuara Melania Trump.
Umiçeviç ishte parashikuar të merrte pjesë në ceremoninë e inaugurimit të Donald trump si president i SHBA-së, por nuk do të mund të jetë, pasi administrata aktuale i ka refuzuar atij vizën.
Me këtë rast ai i ka dërguar nj letër zonjës Melania Trump, ku i këkron ndjesë që nuk do të mund të jetë në ceremoni.
“Çdo gjë ishte gati, unë kisha brë gati disa dhurata për presidentin dhe zonjën Trump”, thotë ai, duke shtuar se “do gjejë mënyrë tjetër për të dërguar dhuratat”. Ai shtoi se kishte plan për të bërë biznes këpucësh me familjen Trump.
Umiçeviç u bë i njohur vitin e shkuar kur të gjtiha sondazhet nxirrnin fituese Hillary Clinton, ai i dërgoi këpucë zonjës Trump. Ai ishte në një mendje me serbët, që ashtu si rusët, donin humbjen e zonjës Clinton që e konsiderojnë armike.
Edhe Umiçeviç kishte marrë dhuratë nga zonja Trump një këmishë. “E kisha të vogël, kështu që ja dhurova një gazetari”, tha ai.
Pronari i fabrikës së këpucëve është këshilltar i presidentit të të ashtuqëuajturës Republika Srpska në Bosnjë të drejtuar nga Milorad Dodik. Edhe ky i fundit deklaroi se kishte marrë disa ftesa për të qenë në ceremoninë e inaugurimit të Trump, por i ëhstë refuzuar viza. Ai tha se në të ardhmen nuk do të përdorë më pasaportën boshnjake, po atë serbe./a.m.
