Kryeministri britanik Boris Johnson tha ditën e sotme se do të marrë vaksinën e Oxford/AstraZeneca shumë shpejt.
Ai u shpreh se ka besim ndaj vaksinës që është pezulluar në disa vende, pas raporteve të mpiksjes së pazakontë të gjakut.
“Gjëja më e mirë që mund të them në lidhje me programin e vaksinave Oxford / AstraZeneca është se më në fund mora lajmin se do të kem vaksinën time … shumë, shumë shpejt“, tha Johnson.
Kryeministri i Mbretërisë së Bashkuar më parë ka thënë se vaksinat janë “të sigurta dhe funksionojnë jashtëzakonisht mirë”.
g.kosovari
