Pas reshjeve të borës tashmë vendi do të përfshihet nga reshjet e shiut.
I gjithë vendi do të përfshihet nga vranësirat që do të sjellin reshje intensive shiu kryesisht në veriperëndim të vendit.
Ndërkohë në zonat e larta malore do të ketë reshje dëbore, kryesisht në verilindjee dhe juglindje.
Gjatë pasdites duke përfshirë edhe mbrëmjen i gjithë vendi do të jetë me vranësira dhe reshje shiu e dëbore me intensitet mesatar dhe të ulët.
Në kushtet e motit të paqëndrueshëm do të mbetemi edhe gjatë natës.
Temperaturat e ajrit do të pësojnë rritje të ndjeshme si në vlerat minimale edhe në vlerat maksimale.
Era do të fryjë mesatare në tokë dhe e fortë në det me shpejtësi 65 km/h nga drejtimi jugperëndimor kjo do të bëjë që në brigjet detare të gjenerohet dallgëzim 6 ballë./a.m.
