Raportohet se skuadra italiane AC Milan do ta humbasë mbrojtësin Leonardo Bonucci në janar, gjashtë muaji pasi që e bleu nga Juventusi, për shkak të telasheve financiare.
Fichajes.net dhe OKDiario raportojnë se situata e ndërlikuar financiare e Milanit e bën të mundshëm largimin e Bonuccit nga skuadra dhe se Milan do të bëjë gjithçka për ta larguar nga klubi nëse Real Madridi shfaqet me një ofertë serioze.
“Los Blancos” janë të intriguar nga përvoja e madhe, si dhe aftësitë teknike dhe fizike të lojtarit. Një aspekt tjetër që e bën të mundshëm kalimin e tij te gjiganti spanjoll është fakti se Bonucci mund të luajë në Ligë të Kampionëve.
Megjithatë, Milan ka paralajmëruar se kalimi i tij në “Santiago Bernabeu” nuk është i thjeshtë dhe lirë, pasi italianët nuk e shesin atë për asnjë cent nën 40 milionë euro, çmim me të cilin edhe e blenë nga Juventusi verën e kaluar.
a.ç
