Presidenti i Ukrainës Volodymyr Zelensky ka akuzuar Moskën për “çmenduri” pasi trupat ruse goditën një fabrikë kimike në përpjekjen e tyre për shtënë në dorë një qytet kyç në lindje të vendit.
Forcat ruse goditën rezervuarin e acidit nitrik në Severodonetsk, duke bërë që guvernatori lokal të paralajmërojë njerëzit të qëndrojnë brenda.
Në fjalimin e tij gjatë natës, Zelensky tha: “Duke pasur parasysh praninë e prodhimit kimik në shkallë të gjerë në Severodonetsk, sulmet e ushtrisë ruse atje, përfshirë bombardimet qorre ajrore, janë thjesht çmenduri”.
Beteja për Severodonetsk është bërë më intensive ditët e fundit, me viktima të shumta si nga pala ukrainase ashtu edhe nga ajo ruse.
/a.r
