“Vipat e bllokut 2015”, quhet faqja në “Instagram” që ditët e fundit tronditi personazhet e famshëm në Shqipëri. Administratorët e kësaj faqeje me foto të këtyre personazheve, bënë që të shkaktohej një zhurmë mediatike.
Faqja, që nxirrte në pah operacionet e shumta të Vipve shqiptarë, ka marrë disa kërcënime nga personazhe të ndryshëm. “Bluetooth” kontaktoi me administratorët për të mësuar më shumë rreth faqes, e cila është mbyllur dhe rihapur disa herë. “Jemi thjesht tre studentë të gazetarisë që faqen e hapëm bazuar në fotot që çdokush mund t’i shohë në “Google”.
Nuk cenojmë privatësinë e askujt, fotot mund t’i shohin të gjithë, ne thjesht bëjmë krahasime dhe këtu s’ka asgjë të keqe”. Nga ana tjetër administratorët rrëfejnë edhe kërcënimet që kanë marrë nga personazhet e ndryshme si dhe shtojnë që nuk kanë frikë nga kërcënimet e marra.
Më tej ata flasin për debatet dhe ofendimet që modelja me famë ndërkombëtare, Vildane Zeneli i ka drejtuar në mesazhet private, fillimisht ajo ka shkruar në anglisht dhe më pas e ka mbyllur bisedën duke i ofenduar me fjalë të ndyra në shqip.
“Dështak! Mua nuk më intereson sesi dukesha atëherë ose si dukem tani. Kam qenë modele që në moshën 13 vjeç, ndërsa ti ke qenë gjithmonë një shpifësirë. Vazhdo urreji njerëzit e tjerë, unë do të vijoj të kujdesem për veten time. Unë kam qenë në fushatën publicitare të Dr Dree para shtatë vitesh, dështak.
Keni për të vdekur nga xhelozia”, kanë qenë mesazhet e Vildanes në anglisht. Megjithatë bukuroshja e fotove hot, nuk është mjaftuar me kaq, ajo e ka mbyllur bisedën duke i sharë shqip. “Shko q..” ka qenë mesazhi fundit i Vildanes drejtua faqes “Vipat e bllokut 2015”,
