Takimi i kryeministrit Edi Rama me kryebashkiakët ka hyrë në ditën e dytë, ku drejtuesit e qeverive vendore të qarkut të Lezhës dhe Kukësit bëjnë bilancet e qeverisjes në fund të mandatit të tyre.
Por një incident ka ndodhur gjatë takimit që ka shkaktuar acarim dhe nervozizëm tek kryeministri Edi Rama.
Teksa kryebashkiaku i Lezhës, Pjerin Ndreu mbante fjalën kolegia e tij kryetarja së bashkisë së Patosit, Rajmonda Balilaj po bisedonte me zë të ulët.
Pëshpërimat e kryebashkiakes Balilaj me një nga kolegët e saj kanë acaruar kreun e qeverisë, i cili iu është drejtuar me tone të ashpra, madje e paralajmëroi se do ta nxirrte jashtë.
“Ça janë këto muhabete, pse i flet atij?! Do të nxjerr jashtë. Me ty e kam, jo me ty jo, por me atë, me Rajmondën. Po boll tani, boll!”, thotë Rama në audio, ndërsa dëgjohet një zhurmë përplasje nga ana e tij, i cili i bie tavolinës ose mikrofonit.
Gjatë këtij momenti nervozizmi të kryeministrit, Pjerin Ndreu ka ndaluar fjalën për ta rivazhduar sërish më pas.
g.kosovari
