Nga Ardit Rada/
Vendimi i opozitës për ngujimin në bulevardin kryesor të Tiranës u mor çuditërisht ditën që Avokati i Popullit përfundoi verifikimin e kandidaturëve për organet e Vettingut. Ka qenë 17 shkurti dita që paralelisht me shpalljen e 29 emrave që plotësonin kriteret formale, Lulzim Basha deklaroi ngritjen e çadrës dhe vijimin e protëstes.
Sikurse ishte parashikuar, Partia Demokratike vendosi dje në mbledhjen e Kryesisë dhe atë të Grupit Parlamentar për bojkotimin e Kuvendit. Vendimi në fjalë u komunikuar nga numri dy i PD-së, Edi Paloka, i cili artikuloi qartë se axhenda e opozitës tashmë është sheshi dhe jo komisionet parlamentare.
Ky vendim aspak i papritur nga ana e PD-së duket se ka ndryshuar edhe qëllimin e vizitës 3-ditore të Knut Fleckenstein që vjen sot në Tiranë. Eurodeputetit do t’i duhet që krahas diskutimeve me mazhorancën për Vettingun, të tentojë edhe një “pajtim” të opozitës me Kuvendin.
Por ndërkohë që Vettingu pritej të finalizohej këtë pranverë, Partia Demokratike ka gjetur një mënyrë për t’iu larguar finalizimit të procesit.
Miratimi me konsensus i ndyrshimeve kushtetuese duket se nuk i ka hapur udhë plotësisht përzgjedhjes së zyrtarëve të lartë të gjyqësorit dhe prokurorisë.
Operacioni Ndërkombëtar i Monitorimit pasi ka vlerësuar kandidatët, i kalon 3 lista Kuvendit, në të gjelbrën kandidatët nuk plotësojë kriteret formale, në të bardhën janë kandidatët e kualifkuar, në të zezën, të s’kualifikuarit.
Një nën/komision i krijuar nga Komisioni Parlamentar për Çështjet Ligjore, me 3 anëtarë nga mazhoranca dhe 2 nga opozita përzgjedh kandidatët me të paktën 4 vota.
Në një situatë të tillë mazhoranca nuk ka sesi t’i sigurojë votat e duhura për vijimin e punës me Reformën. Partia Demokratike e distancuar nga reforma që në fillim duket se ka gjetur mënyrën për ta penguar Vettingun përmes bojkotit të Kuvendit nën justifikimin e protestës./JAVANEWS
