Gjergj Bojaxhi ka bërë një deklaratë për shtyp pas hyrjes në fuqi të Ligjit të Vettingut.
“Ligji i Vetting-ut është shndërruar thuajse në një problematikë, për të cilën mund të fajësohet vetëm klasa politike. Në vend që të ishte një marrëveshje e përbashkët drejt një drejtësie europiane tashmë të vonuar, është kthyer në një proçes të zvarritur dhe pa konsensus. Duhet të jetë rast për të qenë tregues pozitiv për të ardhmen e vendit dhe për rrugëtimin EuroAtlantik.
Duke treguar pjekuri klasa politike duhet të reflektojë për sjelljet dhe veprimet e ngushta dhe të mësojë që interesi kombëtar është parësor. U duhet thënë stop akuzave të teatrale, sulmeve personale apo kundërshtimeve tendecioze, duke i lënë vendin bashkëpunimit, diskutimeve pozitive dhe rezultatit përfundimtar.
Ajo që qytetarët kërkojnë është një klasë e përgjegjëshme politike. Sfidat dhe problemet marrin zgjidhje vetëm kur ekziston vullneti i mirë”, thuhet në deklaratën e Bojaxhiut.
