BMW sulmon Google: “Alphabet” është i yni!
Mund të lindë një çeshtje bujshme gjyqësore mes gjigandit të makinave BMW dhe gjigandit tjetër të internetit Google. Molla e sherrit është bërë projekti Alphabet që Google ka njoftuar se do të hapë. Kompania gjermane ka tashmë një kompani që quhet “Alphabet Fuhrparkmanagement” dhe që jep me qera makina të markës BMW në 18 vende të botës.
Micaela Sandstede, zëdhënëse e BMW i tha mediave se kompania e saj nuk ishte njoftuar nga Google rreth planeve për të themeluar një kompani me këtë emër dhe as për adresën e saj në internet. Për pasojë ajo njoftoi se avokatët e BMW janë tashmë në punë për të verifikuar nëse ka pasur shkelje të patentës.
