Një prej temave të diskutuara ditën e sotme në “Open” ishte edhe skandali në spitalin “Shefqet Ndroqi” i lidhur me mashtrimin dhe zhvatjen e personave me COVID dhe familjarëve të tyre është thelluar.
Çështja “Tire” nuk ka mbetur vetëm me emrin e saj, por pas hetimeve prokuroria ka zbuluar edhe staf tjetër mjekësor tek “Shefqet Ndroqi” që ka lidhje me ngjarjen në fjalë, ku u morën 8 milionë lekë të vjetra vajzës së një ish-pacienteje me Covid-19, e cila më pas ndërroi jetë.
Mendohet se edhe mos-trajtimi apo keq-trajtimi i saj ka ndikuar. Në “Open” ekspertja e shëndetësisë pranë PD, Liljana Ramasaçi ka bërë thirrje që të gjitha bluzat e bardha duhet të ndihen fajtore dhe të ulin kokën pas këtij rasti të turpshëm.
Nuk ka qenë i të njejtit mendim Kreu i Urgjencës Kombëtare, Skënder Brataj.
Ramasaçi: Çështja nuk është kaq e thjeshtë sa e paraqisni ju zotri. Ky është një rast jo i veçuar, ëhstë skandaloz dhe është në masë. Unë mendoj që pas këtij rasti bluzat e bardha duhet të ulin kokat dhe ia keni ngritur shumë dhe kanë marrë hov.
Brataj: Jooo çfarë thua?!
Ramasaçi: Po po…
Brataj: Jo si mund ta thoni këtë? Nuk mund të përlyhen për një rast të gjitha bluzat e bardha. Unë s’e barazoj veten time me Tiren, çfarë thoni ju?!
Ramasaçi: Po, përpara këtij rasti bluzat e bardha duhet të ndihen në faj dhe me përgjegjësi, të ulin kokën!
Kapisyzi: Jo jo…
Liljana Ramasaco: Këtu bëhet fjalë për një sistem të gjithin, një sistem i shkatërruar, i centralizuar që çoi dhe personelin shëndetësor në këtë ditë. Këtu ka skaner dhe rezonancë ndërkohë që në “Shefqet Ndroqi” nuk punon skaneri.
Dr. Kapisyzi: Po ka 10 ditë, sepse është prishur, ka një difekt teknik. Para fenomenit ndjehen të tronditur por jo me kokën poshtë.
Dr. Brataj: Është një sistem që është centralizuar, është një përgjigje dhe qeveria shqiptare ka bërë ndaj kësaj pandemia, sepse është një emergjencë shëndetësore.
Dr. Kapisyzi. Po është, sistemi shëndetësor dhe drejtimi është i tillë si ai kapiteni i cili, të gjithë forcat i ka vendosur të shpëtojë njerëzit në anije. Një 2 marinar mund ti kenë shpëtuar, por nuk mund të justifikojë dënimin e tyre dhe është i dënueshëm, ky veprim është korruptiv.
Liljana Ramasaco: Pse shkuan këto ngjarje në këto pikë.
Dr. Kapisyzi: Shfrytëzuan pandeminë që shkakton shumë pika të dobëta.E gjithë bota vërtetoi se shërbimi shëndetësore para kësaj pandemie dështoi.
