Kreu i LIBRA Ben Blushi ka komentuar emërimin e ministrave të rinj në kabinetin “Rama”. Ai tha se sot u bashkua Rama dhe Berisha për t’u mbrojtur nga drejtësia dhe ndëshkimi i popullit. Ai tha se ende nuk ka transparencë për ndryshimet që do të bëhen në Kodin Zgjedhor.
“Kam votuar kundër për këtë qeveri. Duhet ta mbani mend se Edi Rama dhe Sali Berisha hynë të dy në një qeveri. Kush e pranon, Saliu dhe Edi Rama janë në një qeveri. Kjo është katastrofë. Dy keqbërësit më të mëdhenj i keni bashkë në një qeveri. Tani që flasim ne akoma nuk kemi çfarë ndryshimesh do sjellin për Kodin Zgjedhor. Sot ata u bashkuan për t’u mbrojtur nga drejtësia”, tha Blushi./a.m.
