Deputeti Ben Blushi u ka bërë thirrje palëve që të ulën në tryezë, pasi afati po skadon dhe sipas tij cënohet integriteti dhe legjitimiteti i zgjedhjeve. Blushi bën fajtor partitë e vjetra për situatën në të cilen ndodhet vendi. Kreu i LIBRA, deklaroi se partia e tij do të futet në zgjedhje me çdo ksuht dhe se do ishte tragjike nëse shqiptarëve iu sekuestrohet edhe e drejta për të votuar
Fjala e plotë e Blushit
Shpresojmë që nga nesër palët të ulen në tryezë, koha për t’u ulur në tryezë po skadon duke cenuar rëndë integritetin dhe legjitimitetin e zgjedhjeve të ardhshme parlamentare. Ka shumë arsye pse zgjedhjet po cenohen, konfliktualiteti i partive të vjetra që po i sekuestron shqiptarëve të drejtën për të votuar, korrupsioni dhe frika nga drejtësia. Reforma në drejtësi pengon zgjedhjet dhe zgjedhjet pengojnë reformën në drejtësi. Do ishte tragjike nëse shqiptarëve iu sekuestrohet edhe arsyeja për të votuar. LIBRA është e gatshme për gjithçka, është e vetmja parti deri më sot që ka bërë propozimet e veta në parlament për të përmirësuar kodin zgjedhor. Pavarësisht se partitë e vjetra s’po merren me ndryshimin e sistemit, por vetëm me bllokimin e zgjedhjeve dhe reformës në drejtësi, ne kemi vendosur të shkojmë në këto zgjedhje me çdo kusht. Jemi të gatshëm për të bërë gjithçka për të ndikuar në një tryezë të partive parlamentare mundësisht, pavarësisht kush e organizon atë, duke shkuar aty me opsionet tona. Është urgjente thirrja e një tryeze për të caktuar pjesëmarrjen e mundësisht të gjitha partive në zgjedhje./javanews/c.a
