Kryetari i subjektit LIBRA Ben Blushi deklaroi se brenda javës pritet që gjysma e qeverisë të largohet, duke pasur parasysh ministrat e LSI. Blushi akuzoi subjektet e ‘vjetra’ siç i quajti ai se kanë grabitur vendin dhe e kanë zhytur në krizë. Blushi tha se nëse “Votoni për PD do grabiteni. Për PS do abuzoheni. Për LSI shumë më shumë prona do tu merren”.
Po ashtu ai deklaroi se presidenti nuk ndërhyn për të thirrur tryeza pasi është i njërës palë.
“Kur ka kriza në Francë burrat ulën. Pse këta nuk ulen për ta zgjidhur krizën? Kërkojmë të ketë zgjedhje. Të ketë dialog për të patur zgjedhje. Kërkojmë të ketë ndryshim në mënyrën se si numërohen votat. Kërkojmë të mos ketë deputetë kriminelë dhe banditë. Presidenti nuk therret asnjë tryezë. Ka dhe dy muaj punë. Ai nuk e bën sepse është i njërës palë. Sot jemi në një pikë ku instituciont janë bllokuar. Në fund të kësaj jave mund të kemi gjysmën e qeverisë sepse gjysma mund të tradhëtojë pjesen tjetër.
A ka një vend të Evrope që mban 25 vite një kasë politike? Votoni për PD do grabiteni. Për PS do abuzoheni. Për LSI shumë më shumë prona do tu merren. Shqipëri është shkatërrua nga çdo pasuri. Tani po sekuestron dhe të drejtën e votës. Nuk po shkojmë dot në zgjedhje. Kjo vjen për shkak të një konflikti të vjetër dhe të ricikluar mes dy forcave politike. Kemi qeveritë më të korruptuara. Në Shqipëri mund të mos ketë fare zgjedhje. E kanë falin dy partitë e vjetra sepse e vetmja gjë të bëjeni është që ndryshojnë vetëm karriget” tha Blushi./a.m.
