Bernd Schuster beson se Ronaldo ka humbur oreksin për gola. Ish trajneri i Real Madridit, Bernd Schuster, beson se ylli i “Los Blancos”, Cristiano Ronaldo, ka humbur atë dëshirën e madhe për të shënuar sa më shumë gola, transmeton Gazeta Express.
Që nga viti 2009, kur u transferua te Real Madridi, Ronaldo ka shënuar 390 gola në 384 paraqitje për Realin, më shumë se një gol për ndeshje.“Nuk shoh më që është i uritur për gola”, tha fillimisht Schuster.“Më parë kur ekipi i tij ishte duke fituar 4:0, ai edhe më tej kërkonte të shënonte gola.
Ai ishte i uritur dhe me çdo kusht kërkonte golin, nga penalltia apo sidoqoftë. Por, tashmë kjo ka mbaruar”, shtoi ish trajneri i “Los Blancos”. Pavarësisht formës jo të mirë, Ronaldo ka shënuar deri më tani 35 gola për klub dhe Kombëtare, citohet ”Express”. (b.an)
