Kryetari i LIBRA-s, Ben Blushi ka dhënë detaje për tryezën e mbledhur sot nga kreu i Kuvendit, Ilir Meta. Blushi tha pas tryezës se takimi ishte informues për dështimin e negociatave ditën e djeshme.
Blushi sulmoi edhe kryeministrin Rama që nuk ishte i pranishëm sot në mbledhje. Ai tha se takimi ishte thjesht informues.
Blushi sulmoi edhe KQZ-në, e cila sipas tij nuk i ka kthyer përgjigje ende nëse LIBRA është regjistruar ose jo.
“Fakti që Partia Demokratike dhe disa parti të tjera nuk morën pjesë, fakti që kryeministri nuk ishte i pranishëm, e bën të padobishme këtë tryezë. Kështu që njerëzit të mos presin të zgjidhet kriza edhe pas kësaj tryeze.
Më shumë u informuam se çfarë ka ndodhur dje gjatë negocimit me ndërkombëtarët dhe çfarë oferte është paraqitur atje për palët që ju e dini se nuk është pranuar. Ky ishte thelbi i tryezë.
Pra nuk ishte PD që refuzon të hyjë në zgjedhje, dhe kryeministri të cilit i kërkohet dorëheqja, tryeza u përqendrua në aspekte teknike për përmirësimin e standardeve zgjedhore edhe në kushtet kur mungon një marrëveshje politike siç duket do të mungojë edhe disa kohë”, tha Blushi.
