Disa prindërve izraelitë u është kërkuar të heqin rrjetet sociale nga telefonat e fëmijëve të tyre përpara se militantët e Hamasit të fillojnë transmetimin e videove të pengjeve të marra gjatë fundjavës.
Shoqata e prindërve të një shkolle në Tel Aviv ka thënë se pritet të publikohen videot e pengjeve, duke u lutur për jetën e tyre, raporton CNN. Në një mesazh për prindërit, u kërkoi atyre që të hiqnin aplikacionin TikTok në veçanti nga telefonat e fëmijëve të tyre.
“Ne nuk mund t’i lejojmë fëmijët tanë t’i shikojnë këto gjëra. Është gjithashtu e vështirë, për më tepër — e pamundur — të përmbahet gjithë kjo përmbajtje në mediat sociale.
Faleminderit për mirëkuptimin dhe bashkëpunimin tuaj.” , thuhet në mesazh.
Hamasi ka pretenduar se po mban më shumë se 100 pengje, duke përfshirë këtu oficerë të ushtrisë izraelite./m.j
