Shërbimet e Policisë Kufitare të DVKM Vlorë dhe ato të Policisë Kufitare Sarandë kanë evidentuar një rast të drejtimit të mjetit lundrues, në kundërshtim me ligjet në fuqi.
Për rrjedhojë, drejtuesi i skafit është gjobitur me 10 000 Lekë të rinj pasi nuk kishte dokumentacionin e nevojshëm në bord. Skafi u bllokua deri në shlyerjen e masës administrative dhe pajisjen e drejtuesit të tij me dokumentacionin përkatës.
Me këtë rast, shkon në 7 numri i mjeteve lundruese të bllokuara gjatë kësaj jave, nga DVKM Vlorë.
Policia Kufitare njofton se do të vijojë kontrollet në të gjithë vijën bregdetare të qarkut dhe gjithashtu, fton qytetarët që të denoncojnë çdo rast paligjshmërie, në aplikacionin Komisariati Dixhital, ose të telefonojnë në numrin pa pagesë 112.
/a.r
