Një operacion antidrogë i policisë së Vlorës ka zbuluar 215 kilogramë kanabis sativa e cila po transportohej me një furgon.
Efektivët e policisë gjatë pasdites së djeshme kanë konstatuar një automjet të dyshimtë se mund të transportonte lëndë narkotike, në aksin rrugor të lagjes “24 Maji”, i cili nuk i’u është bindur urdhrit të tyre për të ndaluar.
Gjatë ndjekjes së mjetit, përballë shkollës “Jani Minga” drejtuesi ka braktisur furgonin dhe është larguar me shpejtësi nëpër rrugicat e lagjes “24 Maji”.
Gjatë kontrollit të ushtruar në brendësi të automjetin tip “Furgon-Fiat” i bardhë, ka konstatuar një sasi me lëndë narkotike të llojit kanabis sativa, e cila pas peshimit të saj ka rezultuar me peshë prej 215 kilogramë.
Lënda narkotike ishte paketuar në 53 pako, mbështjellë më thasë sintetikë dhe me natriban transparent, e cila u sekuestrua në cilësinë e provës materiale.
Aktualisht vijojnë hetimet për identifikimin dhe kapjen e autorëve të implikuar në këtë ngjarje.
