Partizani dhe Erald Çinari kanë pasur një ditë vendimtare sot. Klubi i Kuq ka çuar në CAS vendimin e FIFA për lënien në fuqi të dënimit me bllokimin e dy sesioneve të merkatos dhe dënimin e Erald Çinarit. E gjithë historia ka një zanafillë disa vjeçare, pikërisht në verën e 2018.
Klubi i kuq ka njoftuar para pak çastesh se seanca është mbajtur sot online prej Covid-19, ndërsa vendimi do të jepet në fund të këtij muaji.
Pranë KAS të Lozanës është zhvilluar sot online, si pasojë e situatës COVID 19, seanca e programuar gjyqësore për çështjen Erald Çinari.
Në komunikimin me panelin e KAS palët kanë paraqitur të gjitha pretendimet e tyre, si dhe janë dëgjuar deklaratat e dëshmitarëve të përfshirë në këtë proçes.
FK Partizani është përfaqësuar në këtë seancë gjyqësore online, nga Drejtori i Përgjithshëm Olsi Rama, si dhe avokati i mirënjohur Juan de Dios Crespo Peres dhe zyra e avokat Antonio Conte.
Ky grup ka punuar intesivisht përgjatë gjithë kësaj periudhe për përgatitjen sa më efikase të mbrojtjes dhe demonstrimit të pafajësisë sonë
Pritet që vendimi nga KAS të merret brenda muajit dhjetor./a.p
