Policia Kufitare e Vlorës ka dhënë informacion zyrtar për një gomone të gjetur këtë të mërkurë në vendin e quajtur ”Delisuf”. Në një njoftim për mediat thuhet se në të nuk u gjet asnjë send apo objekt i jashtligjshëm.
“Shërbimet e Policisë Kufitare organizuan menjëherë punën dhe shkuan për verifikim dhe kontroll pranë vendit në fjalë ku kanë konstatuar të qëndruar në breg të detit mjetin tip gomone rreth 7-8 m i gjatë me dy motorra. Në mjetin lundrues nuk është konstatuar asnjë send apo objekt i kundërligjshëm”, thuhet në njoftim.
Megjithatë, Policia Kufitare e Vlorës thotë se po punon në bashkëpunim me DVP.Vlorë, Delta Forcë dhe GdF për verifikimin dhe dokumentimin ligjor të rrethanave të ngjarjes, nëse ka vepër penale ose jo, si edhe për identifikimin e personave, të cilëve u përket gomonia.
a.ç
