Bota duket se po hyn në një tjetër “Luftë të Ftohtë”, e cila mund të ketë ndikim në shumë fusha.
Një prej tyre është edhe futbolli.
Gjashtë vende kanë paralajmëruar se nuk do të dërgojnë zyrtarët e tyre të lartë në Rusi, kun ë qershor nis evenimenti më i rëndësishëm sportiv, Botërori i futbollit.
Madje, këto vende kanë paralajmëruar se mund të mos lejojnë Kombëtaret e tyre që të marrin pjesë në Botëror, duke e çuar atë drejt dështimit serioz.
Vendet që kanë paralajmëruar bojkotin janë Britania, Islanda, Australia, Danimarka, Suedia dhe Japonia.
Edhe Polonia ndërkohë, ka deklaruar se presidenti i saj nuk do të marrë pjesë në ceremoninë e hapjes së Botërorit.
Bojkoti i këtyre vendeve vjen për shkak të helmimit të ish-agjentit rus Sergei Skripal dhe vajzës së tij, në Britani.
Përgjegjës për helmimin bëhet pikërisht Rusia, e cila e mohon këtë gjë./a.m.
