Kreu i Bashkisë Vorë, njëkohësisht kandidat i PD për këtë bashki në zgjedhjet 2015, po procedohet penalisht.
Lajmi bëhet i ditur nga Policia e Shtetit, e cila përmes një njoftimi bën me dije se Fiqiri Ismaili u jepte shtetasve të ndryshëm shumën e 10 mijë lekëve të reja në shkembim të votës.
“Fiqiri Ismaili jepte nga 10 mije lekë për blerje vote. B. S 45 vjeç dhe Sh.B. 49 vjeç kanë marrë para nga Ismaili. Ky aktivitet kryhej në ambientet e Agro Blend” – bën me dije policia sipas së cilës Ismaili po procedohet në gjendje të lirë.
Fiqiri Ismaili i cili ka dy mandate në krye të Vorës është përfolur edhe për skandalin e miellit të gjetur në magazinat e tij.
