Pasi Gjykata e Posaçme Antikorrupsion vendosi të dërgojë dosjen “Bajri” në Prokororinë e Shkodrës, pasi konstatoi se SPAK nuk është kompetent, Gjykata e Shkodrës ka dhënë masën e sigurisë për të pandehurit.
“Arrest me burg”, ka vendosur gjykata për të dyshuarit Safet Bajri, Ilir Bajri, Behar Bajri, Astmer Bilali, Sirjan Aliaj dhe Emrah Plakun.
Ndërkohë “arrest shtepie” u vendos për Jonida Muratin, “detyrim paraqitje” për mjekun Senad Hallunaj, kryeinfermieren e spitalit të Shkodrës Florine Hoxha dhe financieren Mira Nikaj.
Më 22 shtator të vitit 2018, 11 persona u arrestuan në kuadër të Operacionit “OAZ” ndër të cilët edhe Safet dhe Enver Bajri.
Ata akuzohen për një sërë veprash penale si “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, të gjitha këto të kryera në kuadër të një grupi të strukturuar kriminal.
Grupi “Bajri” akuzohet për dy vrasje, njëra në 7 shkurt 2001, ku u vra shtetasi A.T., dhe ngjarje e datës 20 qershor 2002, ku u vra shtetasja F.H., 15 vjeçe. Si dhë për një kanosje ndaj disa shtetasve për të dhënë shumë parash.
g.kosovari
