Drejtori i Departamentit për Rendin dhe Sigurinë Publike Drejtues i Lartë, Rebani Jaupi është shprehur se është e vërtetë që kandidati i koalicionit “Bashkë Fitojmë” për Bashkinë Himarës është shoqëruar në Drejtorinë Vendore të Policisë Vlorë.
Duke mos preferuar të japë shumë hollësi, Jaupi ka thënë se nën drejtimin e Prokurorisë së Vlorës ka pasur një procedim penal që ka qenë në ndjekje në lidhje me akuzën për blerje votash për Fredi Belerin.
Pyetje: Pse është bërë ndalimi i kandidatit për kryetar bashkie të Himarës?
Rebani Jaupi: Është e vërtetë që Fredi Beleri është shoqëruar në Drejtorinë Vendore të Policisë Vlorë. Nën drejtimin e Prokurorisë së Vlorës, ka pasur një procedim në ndjekje. Për këtë do të ketë, sapo të kenë përfunduar veprimet proceduriale, do të ketë një njoftim për shtyp.
Pyetje: Prej sa kohësh?
Rebani Jaupi: Hollësitë e tjera do të t’i keni në njoftimin që do të ketë për këtë punë.
/a.r
Policia është e shtetit dhe duhet t’u shërbejë qytetarëve…ajo s’duhet të jetë pjesë e krimit politik.E mbështes me të gjithë fuqinë policinë apolitike që na mbron nga kriminelet dhe fatkeqësitë… Faleminderit shumë për punën e palodhur që bëni.Mirënjohje pa fund✨