Një çift kishin shumë vite bashkë, por me kalimin e kohës gjërat kishin filluar që të shkonin keq mes tyre. Madje kishin filluar edhe të mërziteshin me njëri-tjetrin. Burri i cili me profesion ishte biznesmen, vendos që ta tradhtojë gruan e tij. Por nuk e tradhton dot pa e lajmëruar, kështu që vendos t’i shkruajë një sms asaj. Por, gruaja është treguar shumë e zgjuar dhe përgjigja e saj e lë të shoqin me gisht në gojë.
Lexoni më poshtë dy mesazhet.
Burri-gruas:
“Gruaja ime e dashur: Jam i sigurt që do më kuptosh, tani je 54 vjeçe dhe ti nuk më kënaq dot mua. Jam i lumtur me ty, të konsideroj gruan më fantastike dhe sinqerisht shpresoj që nuk do ta marrësh për keq këtë.
Kur të marrësh këtë mesazh unë do të jem në hotel Confort me Vanesën, sekretaren time 18 vjeçe. Mos u nxeh, por unë nuk do të vij në shtëpi para mesnatës”
Përgjigja e gruas:
“Burrë i dashur, sapo e mora mesazhin tënd dhe faleminderit që më lajmërove. Përfitoj nga ky rast që të të kujtoj se edhe ti je 54 vjeç. Gjithsesi doja të të informoja se kur të lexosh këtë mesazh unë do të jem në hotel Eden me Xhovanin, instruktorin tim të palestrës, që edhe ai si sekretarja jote është 18 vjeç.
Meqenëse ti je një njeri i rëndësishëm, biznesmen dhe i diplomuar në matematikë, unë vë bast se do ta kuptosh shumë kollaj që gjendemi përballë një situate të tillë, por që një ka një diferencë të “sa të vogël edhe aq të madhe”: 18 hyn më shumë herë tek 54, sesa 54 tek 18. Kështu që është më mirë të mos presësh zgjuar kur të vish në mesnatë.
Të puth gruaja jote që të kupton”/joq/a.k
